مما قرأت لكم ......عم سيد سواق التاكسي ....

كتبت رنيم صلاح علي صفحتها علي الفيس بوك ...

----------------------------------------------------

طيب  ... يوم زياره بوتن كنت مروحه مشيت طريق صلاح سالم ده عشان اركب المترو .. وصلت لقيتهم قفلينوا لدواعي امنيه فضلت مدايقه و رجعت متعصبه عشان اخد تاكسي و اروح روكسي اركب من هناك للبيت ... طلعت و اول تاكسي قابليني كان مكسر و حالته زفت ..قلت كملت.. المهم شاورتله و قلتله ميدان روكسي يا حج قالي اركبي..

سواق كبير في السن جدا يكاد يشوف العربيه اللي قدامه لقيته بيقولي good evening و برطم كام جمله بعدها مفهمتهاش .. قالي دي مساء الخير بالانجليزي و الفرنساوي و الالماني و الايطالي و اليوناني !!! .. قالي roxy square ان شاء الله

 قلتله ان شاء الله وانا الدهشه بتنط من عيني... قالي عارفه هوا ليه اسمه روكسي قلتله لاء .. لقيته بيقولي اصل روكسي ده كان اسم زوجه مش عارفه ملك مين كده و كان جه مصر و تم بنائه سنه كذا (هجري و ميلادي) و قال كلمتين كده و انا كان عندي صداع و مش مركزه ..بس استغربت انه كان حافظ التاريخ .. لقيته بيقولي طب عارف ليه سموها الدوله العباسيه !! قلتله اه طبعا عشان عباس ضحك و قالي عباس مين .. كتب الادب بتاعه ثانويه عامه كلها جريت قدامي اني افتكر عباس مين !! قلتله عباس ابن فرناس  قالي لا عباس ابن عبد المطلب ... و فضل يحكي عن الدوله العباسيه تاريخها و سقوطها و كل ده حافظ السنين و الارقام دخل على الدوله الامويه و العثمانيه و كذا دوله كده ..قالي اوك ..قلتله اوك ..

قالي طب تعرفي ليه رغم ان المفروض ok اختصار okey مش بيتحط بعدها dot زي Adj. مثلا فضلت ساكته فضل يشرحلي نظريات عن واحد جاهل كان صاحب شركه و كان بيكتب على كل ملفاته ok اختصار ل all correct على اسا ان all بتبتدي ب o و correct ب k ..تاني تخمين ان في حرب امريكا على ايه كده كان بعد كل هجمه بكتبه 0k اختصار ل Zero killer و قالي انه بيرفض الراي ده لان الامريكان مش بتسيب دليل وراهم بعد اي حرب !! قالي على راي تالت للاسف مش فكراه..

ابتديت اركز في كلامه بعد ما كنت مطنشاه حسيت بحاجه غريبه في كميه المعلومات و التواريخ دي رغم سنه !! .. قالي شكلك ملكيش في التاريخ .. قلتله اه انا علمي .. وقلت بس هيحل عن نفوخي  .. لقيته بيقولي medicine ولا pharmcy !!!! قلتله اسنان .. قالي dentistry يعني !! اتخضيت !! ايه اللي يخلي واحد في سنه و شكله و مستواه يعرف الكلام ده !! و اللغات دي و التواريخ دي !!

المهم لقيته اتفتح .. شرحلي microbiology !! .... شرحلي باستفاضه ال DNA .. ال virus .. ال bacteria ,,,مش بس كده ده شرحلي اخر ما توصلت ليه الابحاث في المجالات دي ازاي .. ال laser و علاقته بالحاجات دي .. و كل ده بشرح بمصطلحات علميه بحته بالانجليزي انا مفهمتهاش اصلا !!! .. حجات انا عمري ما سمعت بيها رغم انه تقربيا مجال دراستي اهو !! كنت في حاله صدمه !!! نقل من الليزر للمفاعالات النوييه ...توليد كهربا ..توليد طاقه ..في الطب ..في الهندسه .. ازاي اتوصل لنظريه معينه لما مش عارفه لقى الميه فين العربيه سخنه و فضل كل ما حد يركب معاه يساله انت مهندس ؟؟ عشان يوصل لصحه النظريه !! لحد ما حصل فعلا و المهندس استغرب و اداله رقمه ابتدى الراجل يعمل دواير كهربا ابتدى يتكلم عن ال ال volt ال electric field ال electric current ال Circuit ال wires جاجات physics كتير كده ورا بعض .... وكل ده مش مجرد مصطلحات .. دي حاجات هوا وصلها من تجاربه البسيطه فضل يشرحها انا بردوا مفهمتهاش !!

وكل ده بيتكلم انجليزي .. مكسر و في كلام كتير غلط .. بس كلامه كله كان مفهوم !! لسوء حظي او حسنه مش عارفه !! الطريق كان واقف يومها عشان الزياره بتاعت بوتن و دي حاجه خلته يتكلم اكتر ..انا اقسم بالله كنت في حاله زهول و صمت و كان كل ما يسال على حاجه في كلامه اقوله مش عارفه حتى لو كنت فاهمه !! اللي انا كتباه ده ولا حاجه من اللي هوا فضل يشرحها و من اللي هوا وصله من التفكير المعقد جدا جدا جدا .. لقيته دخل في نظريات نفسيه و الحاسه السادسه و كلام كتيير كتير كان صعب على امثالي فهمه .. قالي بسس للاسف معرفش حاجات كتير عن ال psychology عشان مصطلحتها صعبه عليا ..و انا مبتكلمش !!

لقيته بيقولي اتفرجتي على فيلم (انترسيتي لور) فضلت اقول يا رب ميكنش قصده اللي في بالي !!! كنت خايفه يطلع قصده على فيلم interstaller !! قلتله لا مع اني شفته بس كنت عايزه اعرف هوا عايز ايه !!! قالي انتي فايتك كتير .. لقيته ابتدى يشرح كل نظريات الفيلم تقريبا !! ال wormhole ال black hole ال Gravitational time dilation ال artificial gravity ... طبعا كان عنده مشكله في النطق بردوا بس كلامه مفهوم جدا و شرحه للنظريات دي كان بسيط جدا لدرجه تبين اد ايه هوا فاهم !! والله انا كنت باخد نفسي بالعافيه من كتر الصدمه  ...

الحمد لله اني اخيرا وصلت المكان اللي مفروض انزل فيه ..قلتله هنزل هنا بالعافيه .. مكنتش قادره اتخيل انه سواق تاكسي !! مكنتش نتخيله انه هحاسبه عادي كد و اديله فلوس !! وانا نازله قلتله حضرتك من الصبح بتتكلم و انا متكلمتش ممكن اتكلم قالي اتفضلي طبعا يا بنتي .. قلتله حضرتك خريج ايه .. و دي كانت اكتر حته صادمه في الموضوع كله .. قالي انا معايا ثانويه عامه !! لكم ان تتخيلوا شكلي لما قالي كده !! قالي بصي يا بنتي انا الدنيا خخبطت فيا و سبت التعليم لحد ما اشتغلت سواق تاكسي انا بحب التاريخ قمت اشتركت في مسابقه كده كويتيه و طلعت التاني .. اقوم اعمل ايه بفلوسس الجايزه !! قلتله ايه ؟ قالي اشتريت كمبيوتر و قواميس كبيره و من ساعتها حلفت ان مفيش حاجه تحصل قدامي الا لما اعرف سببها حتى لو كانت اني اتلسع من ميه العربيه .. بحكم شغلي كنت بتكلم مع الناس الدكتور و المهندس و المزارع و الشيخ ..كنت بحفظ كل حاجه و ارجع اسجلها في البيت ..لقيت البلد كلها بتتكلم عن فيلم انترسيتي لور قلت لما اقرى عنه لحد ما ينزلوه على النت و اتفرج عليه و كنت فاهمه قبل ما اشوفه .. اتعلمت انجليزي باني اترجم كل خطابات اوباما و اني لما اقرى نظريات علميه او مقالات في اي مجال اترجم اي حاجه معرفهاش اتعلمت ايطالي و فرنساوي و الماني و شويه يوناني بنفسه الطريقه قالي يا بنتي انا مش خريج جامعه عين شمس ولا القاهره انا خريج university of life !! 

قالي انا لو اتعينت مدير مستشفى ولا شركه هندسيه و كان فيه interview اول حاجه هسالها سؤال عن الادب او التاريخ ..و العكس لو في وظيفه متقدملها واحد خريج ادبي !! اصل هوا ده الفرق بين كل واحد ..العلم !! العلم بس . مش الكليه ولا الماديات ولا غيره ..

قالي بس للاسف ملحقتش اكلمك عن الكراون grin emoticon (دي ماده عندنا في اسنان) grin emoticon grin emoticon grin emoticonانت عفريت يا حج والله مش طبيعي !! ابتسمتله و قلتله انا ليا الشرف اقسم بالله اني ركبت مع واحد زيك!!! و طلبت منه اصوره .. قالي عشان تحطيها على الفيس بوك و ابقى مشهور !!!

ابتسمتله تاني و قلتله ايوه .. قلع الايس كاب اللي كان لابسه و صورته و وريته الصوره و ابتسم و انا نزلت في حيره عمري ما عشتها قبل كده !!! بالمناسبه عنده 73 سنه !!! 

مش هعلق على الراجل ده كفايه الكلام اللي كتبته عنه .. بس لو مصر فيها راجل واحد من كل عشره زي ده معلقش ككل حاجه على شماعه الظروف مكناش هيبقى حالنا كده!!! 

ولو انت في بلد محترمه مكنش هيبقى زويل برا و صافيناز بتتكرم هنا و عم سيد سواق تاكسي ...

share it plz عشان عم سيد يبقى مشهور ....

https://www.facebook.com/photo.php?fbid=738376082924571&set=a.341411862620997.76579.100002565583731&type=1